Blómstraðu á breytingaskeiði
Náttúrulegar leiðir fyrir aukna orku,
hormónajafnvægi og góða heilsu
Námskeiðið er þegar hafið og ekki opið fyrir fleiri umsóknir.
Þú getur hins vegar skráð þig á biðlista og fengið upplýsingar um næstu námskeið.
Fjögurra vikna netnámskeið sem hjálpar þér að endurnýja lífsorkuna,
sofa - og skilja betur breytingaskeiðið
Þú kynnist einföldum breytingum sem þú getur gert á mataræði til að líða betur og iðkun sem hjálpar þér að finna þinn takt í tilverunni. Við könnum áhrif streitu og endurnærandi iðkunar á hormón og kvenheilsu.
Þú kynnist öðrum konum á sömu vegferð. Breytingaskeiðið er ferðalag sem engin kona ætti að takast ein á hendur. Þessi valdeflandi tími kallar eftir hugrekki og seiglu, hvatningu og samtali við aðrar konur. Og er kjörið tækifæri til að vaxa og að kynnast sjálfri þér upp á nýtt.
Kjörið fyrir konur:
sem glíma við mismunandi einkenni breytingaskeiðsins
sem leita náttúrulegra leiða til að auka lífsorkuna og endurnærast.
Bæði þær konur sem eru á miðju breytingaskeiði, þær sem eru að nálgast þennan tíma og þær sem eru hættar en eru enn að takast á við þennan umbreytingartíma.
Um mig
Ég heiti Guðrún Arnalds og ég rek jóga- og heilsustöðina Andartak. Ég hef starfað við heildræna heilsuráðgjöf í um 30 ár auk þess að kenna jóga og leiðir til að auka líkamsvitund og styrkja tengslin milli hugar og líkama.
Á þessum tíma hef ég sótt mér heilmikla menntun á sviði heildrænnar heilsu og líkamsvitundar, jóga og ayurveda. Ayurveda kennir okkur að lifa í takti við náttúruna og okkar sönnu náttúru.
Í gegn um þá vinnu og eigin reynslu hef ég öðlast góða innsýn inn í breytingaskeiðið og þau tækifæri sem þar leynast. Í mínum huga er líkami okkar meira en bara læknisfræðilegt fyrirbæri og hann kann þá list að sigla í gegn um breytingar betur en við getum ímyndað okkur.
